Marwolaeth Llanbedr Pont Steffan: Dim camau pellach

Cafodd Katarzyna Elzbieta Paszek ei chanfod gydag anafiadau difrifol ym mis Tachwedd 2018

Mae dyn gafodd ei arestio yn dilyn marwolaeth dynes yn Llanbedr Pont Steffan y llynedd wedi ei ryddhau heb unrhyw gamau pellach.

Cafodd y dyn 40 oed ei arestio ar amheuaeth o lofruddiaeth yn sgil marwolaeth Katarzyna Elzbieta Paszek, 39, ar 8 Tachwedd.

Cafodd y dyn ei ryddhau ar fechnïaeth yn fuan wedyn, ond mae Heddlu Dyfed-Powys bellach wedi cadarnhau na fydd yn wynebu unrhyw gamau pellach.

Dywedodd llefarydd ar ran yr heddlu bod y penderfyniad yn dod yn sgil adroddiad patholegydd ac ymgynghoriad gyda Gwasanaeth Erlyn y Goron.