Taulupe Faletau allan o Gwpan Rygbi'r Byd gydag anaf

Dyw Taulupe Faletau heb chwarae i Gymru ers Mawrth 2018

Bydd wythwr Cymru, Taulupe Faletau yn methu Cwpan Rygbi'r byd yn Japan eleni o ganlyniad i anaf i bont ei ysgwydd.

Fe ddigwyddodd yr anaf mewn sesiwn ymarfer, a daeth cadarnhad y byddai'n derbyn llawdriniaeth ar ei ysgwydd.

Fe dorrodd Faletau ei fraich ddwywaith y tymor diwethaf, wnaeth ei orfodi allan o ymgyrch Chwe Gwlad Cymru ym mis Mawrth.

Dyw heb chwarae i Gymru ers Mawrth 2018.

Mewn datganiad dywedodd Undeb Rygbi Cymru: "Hoffai carfan Cymru a'r tîm rheoli ddymuno'n dda i Taulupe gyda'i adferiad."