Apêl wedi i ddyn farw ger y Trallwng, Powys
- Cyhoeddwyd
Mae ffordd yr A483 yn pasio heibio pentref Ardd-lîn rhyw 6 milltir i'r gogledd o'r Trallwng, Powys
Mae ymchwiliad ar y gweill ar ôl i ddyn farw wedi gwrthdrawiad rhwng dau gar a lori yn y Trallwng ym Mhowys.
Cafodd nifer o bobl eu hanafu ar ôl i gar Ford Fusion, Vauxhall Astra du a lori Morrisons fod mewn gwrthdrawiad am 16:30 ddydd Sadwrn, 17 Awst ar ffordd yr A483 yn Ardd-lîn, Y Trallwng.
Bu farw'r dyn 77 oed yn y fan a'r lle.
Cafodd nifer o bobl eraill eu cymryd i'r ysbyty gydag anafiadau.
Mae Heddlu Dyfed Powys yn apelio ar i unrhyw un a welodd y digwyddiad, neu'r cerbydau a oedd yn y gwrthdrawiad, i gysylltu â nhw.