Ymchwilio i amgylchiadau marwolaeth dynes yn Pontins
- Cyhoeddwyd
Cafodd yr heddlu eu galw i Pontins ym Mhrestatyn am 07:25 fore Sadwrn
Mae'r heddlu yn parhau i archwilio i amgylchiadau marwolaeth dynes 33 oed o Gaernarfon.
Bu farw Sioned Evans yng ngwersyll Pontins ym Mhrestatyn fore Sadwrn, 31 Awst.
Y gred ydy ei bod wedi cael ataliad ar y galon.
Dywedodd Uwcharolygydd Nick Evans o Heddlu'r Gogledd eu bod yn parhau i archwilio i'r amgylchiadau llawn, ond fe wnaeth gadarnhau bod yr heddlu wedi cael eu galw i ystafell Ms Evans cyn iddi farw.
"Fe wnaeth yr heddlu fynd i ystafell yn Pontins yn gynharach yn y noson," meddai.
"Mae amgylchiadau llawn y farwolaeth, a'r ymweliad cynharach gan blismyn, yn parhau i fod yn destun ymchwiliad... mae hynny i'w ddisgwyl yn dilyn marwolaeth mor drist a chynamserol.
"Fodd bynnag," ychwanegodd, "ar hyn o bryd, dydy hi ddim yn ymddangos bod unrhyw amgylchiadau amheus."