Dyn gydag anafiadau difrifol i'w ben yng nghanol Abertawe

Mae dyn yn yr ysbyty gydag anafiadau difrifol i'w ben ar ôl digwyddiad yn Abertawe yn ystod oriau mân fore Sul.

Daeth aelodau o'r cyhoedd o hyd i'r dyn 21 oed ar Ffordd Portland yng nghanol y ddinas tua 01:55.

Cafodd ei gludo i Ysbyty Treforys mewn ambiwlans cyn cael ei drosglwyddo i'r Ysbyty Athrofaol yng Nghaerdydd.

Dywed Heddlu'r De eu bod yn ymchwilio i'r digwyddiad ac yn apelio am dystion.