Pro14: Gweilch 16-19 Gleision Caerdydd

Jarrod Evans a Rey Lee-Lo yn dathlu unig gais y Gleision

Fe wnaeth Gleision Caerdydd oresgyn disgyblaeth wael i drechu'r Gweilch mewn gêm ddarbi Gymreig o ansawdd isel yn Abertawe.

Cafodd dri o chwaraewr yr ymwelwyr gerdyn melyn gyda Filo Paulo, Tomos Williams a Josh Adams yn cael eu cosbi ar Stadiwm Liberty.

Profodd cais ail hanner gan Jarrod Evans yn dyngedfennol cyn i gic gosb hwyr Jason Tovey selio'r fuddugoliaeth.

Llwyddodd y Gweilch i gael cais cosb a thair cic gosb gan Marty McKenzie - ond doedd hynny ddim yn ddigon.

Mae'r Gweilch bellach wedi dioddef 11 colled mewn 12 gêm y tymor hwn.