Marwolaeth Llyn Tegid: Cyhoeddi enw dyn

Y gwasanaethau brys ar lannau Llyn Tegid wedi'r digwyddiad

Mae crwner Gogledd Orllewin Cymru, Dewi Pritchard-Jones, wedi cyhoeddi enw'r dyn fu farw ar ôl mynd i drafferthion yn Llyn Tegid ddydd Iau.

Roedd Philip Gooderham yn 53 oed ac yn dod o Lannau Dyfrdwy.

Dywedodd Heddlu'r Gogledd ei fod wedi marw yn yr ysbyty wedi iddo fynd i drafferthion yn y llyn ger Y Bala.

Cafodd y gwasanaethau brys eu galw yno tua 16:50.

Cafodd Mr Gooderham ei dynnu o'r dŵr a'i gludo i Ysbyty Gwynedd mewn ambiwlans awyr.

Dyw'r farwolaeth ddim yn cael ei thrin fel un amheus.