Canslo rhaglen fyw S4C wedi prawf positif am Covid-19

S4C

Mae S4C wedi cadarnhau bod rhaglen Gwylio'r Sêr wedi'i chanslo ar ôl i aelod o'r tîm cynhyrchu gael prawf positif am Covid-19.

Roedd y rhaglen fyw i fod i gael ei darlledu am 21:30 nos Wener.

Dywedodd S4C mewn datganiad: "Yn dilyn cadarnhad fod aelod o'r tîm cynhyrchu wedi derbyn canlyniad positif i Covid-19 yn ystod y prynhawn, fe benderfynodd S4C nad oedd modd parhau gyda'r darllediad.

"Roedd iechyd y gymuned leol, staff gwersyll yr Urdd a'r tîm cynhyrchu a chyflwyno yn cymryd blaenoriaeth ar unrhyw ddarllediad."

Fe wnaeth cyflwynydd y rhaglen, Steffan Powell fynegi ei siom ar Twitter am y "digwyddiadau tu hwnt ein rheolaeth".

Nid yw’r post yma ar X yn gallu ymddangos yn y porwr. Os gwelwch yn dda defnyddiwch Javascript neu geisio eto ar borwr gwahanol.Gweld y cynnwys gwreiddiol ar X.
Nid yw'r BBC yn gyfrifol am gynnwys safleoedd allanol
I osgoi neges X gan Steffan Powell

Caniatáu cynnwys X?

Mae’r erthygl yma’n cynnwys elfennau sydd wedi eu darparu gan X. Gofynnwn am eich caniatâd cyn eu llwytho, oherwydd fe allai wneud defnydd o cwcis a thechnolegau eraill. Efallai y byddwch am ddarllen polisi cwcis X a pholisi preifatrwydd cyn derbyn. I weld y cynnwys yma dewiswch ‘derbyn a pharhau’.

Nid yw'r BBC yn gyfrifol am gynnwys safleoedd allanol