Dynes yn cael ei chrogi gan denynnau dau gi
- Cyhoeddwyd
Cafodd Deborah Roberts ei chanfod â'i phen i lawr ar borfa y tu ôl i stryd
Clywodd cwest bod dynes o Wrecsam wedi marw ar ôl iddi gael ei chrogi gan denynnau dau gi.
Cafwyd hyd i gorff Deborah Roberts yn ardal Rhos-ddu ar 8 Gorffennaf.
Clywodd gwrandawiad byr yn Rhuthun bod dau weithiwr wedi dod o hyd i Ms Roberts wedi i ferch ifanc ofyn iddyn nhw helpu ei ffrind oedd yn tagu.
Cafwyd hyd i'r ferch y tu ôl i Southleigh Drive - roedd hi'n gorwedd gyda'i thalcen ar y glaswellt ac roedd dau dennyn o amgylch ei gwddf wedi iddi gael ei thynnu gan ddau gi.
Mae'r achos wedi'i ohirio ac fe orchmynnodd y crwner John Gittins fod cwest llawn yn cael ei gynnal.
Er gwaethaf ymdrechion parafeddygon bu farw Ms Roberts, oedd yn gweithio mewn warws yn ardal Rhos-ddu, yn syth.
Cofnododd yr archwiliad post mortem ei bod wedi marw o ganlyniad i grogi.
Dyw dyddiad y gwrandawiad llawn ddim eto wedi ei bennu.