Apêl wedi i gerddwr farw yn dilyn gwrthdrawiad ffordd
- Cyhoeddwyd
Cafodd y dyn ei ladd yng nghyffordd y brif ffordd rhwng Maes Awyr Caerdydd a Phen-y-bont ar Ogwr
Mae cerddwr wedi marw yn dilyn gwrthdrawiad ffordd ym Mro Morgannwg nos Fawrth.
Roedd y dyn mewn gwrthdrawiad â char Honda Civic du yng nghyffordd Ffordd Trebefered â'r B4265 yn Llanilltud Fawr tua 18:45.
Bu farw'r cerddwr yn y fan a'r lle. Chafodd gyrrwr y cerbyd ddim anaf.
Mae Heddlu De Cymru'n ymchwilio i'r achos.
Dywedodd llefarydd: "Hoffwn siarad ag unrhyw un a welodd y gwrthdrawiad, a stopiodd i gynnig cymorth, neu unrhyw un all fod wedi gweld y cerbyd neu'r cerddwr sydd heb roi eu manylion i ni hyd yn hyn."
Roedd y ffordd ar gau am chwe awr wrth i'r llu gynnal ymholiadau cychwynnol.