Beiciwr modur 72 oed wedi marw ar ôl taro cylchfan
- Cyhoeddwyd
Roedd y dyn 72 oed wedi bod yn teithio i gyfeiriad Caerdydd ar yr A48
Mae beiciwr modur wedi marw ar ôl taro mewn i gylchfan ym Mro Morgannwg ddydd Mawrth.
Dywedodd Heddlu De Cymru eu bod wedi cael eu galw i'r digwyddiad ar yr A48 ger Y Bont-faen am tua 14:45.
Yn ôl y llu cafodd y dyn 72 oed, oedd yn teithio tuag at Gaerdydd, ei daflu oddi ar y beic modur Triumph Tiger.
Mae'r heddlu yn apelio ar unrhyw dystion i'r digwyddiad i gysylltu â nhw.