Symud gweddillion trên disel wedi tân Llangennech

Gweithwyr Network Rail wrth safle'r ddamwain ddydd Mercher

Mae'r gwaith wedi dechrau o godi gweddillion trên aeth oddi ar y cledrau yn Sir Gâr wrth gludo hyd at 750 tunnell o ddisel.

Bu'n rhaid i hyd at 300 o bobl leol adael eu cartrefi nos Fercher diwethaf yn dilyn y ddamwain ger Llangennech.

Mae disgwyl i'r gwaith glirio gymryd hyd at dri diwrnod, gyda phob un o'r wageni gwag yn pwyso hyd at 30 tunnell.

• Symud 300 o'u cartrefi wedi tân mawr ar drên

Mae pob un o'r wageni gwag yn pwyso hyd at 30 tunnell

Roedd gweithwyr Network Rail ar y safle ddydd Mercher gan ddefnyddio craen sydd â'r gallu i gludo 125 o dunelli.

Roedd y trên yn cludo cargo o danwydd disel modur ag olew nwy o Aberdaugleddau i Theale yng ngorllewin Sir Berkshire pan ddaeth oddi ar y rheilffordd.

Mae swyddogion Cyfoeth Naturiol Cymru yn parhau i asesu'r difrod amgylcheddol i'r ardal.

Mae cyfarpar arbennig wedi ei osod yn ardal Llangennech er mwyn rhwystro'r disel rhag gwasgaru yn y dŵr

Bu'n rhaid i drigolion ardal Llangennech adael eu cartrefi am gyfnod

Cafodd y gwasanaethau brys eu galw am tua 23:20 ar 26 Awst.

Pan ddaeth y rhybudd gwreiddiol cafodd 14 pwmp, a thendr ewynnu (foam tender) eu hanfon i'r safle.