Apêl am wybodaeth wedi gwrthdrawiad car a phlentyn
- Cyhoeddwyd
Digwyddodd y gwrthdrawiad yn agos at Glwb Rygbi Llanilltud Fawr
Mae'r heddlu'n apelio am wybodaeth ar ôl i blentyn gael ei daro gan gar ym Mro Morgannwg ddydd Iau.
Digwyddodd y gwrthdrawiad rhwng un cerbyd a phlentyn ar Heol Boverton, ger Clwb Rygbi Llanilltud Fawr.
Does dim gwybodaeth am gyflwr y plentyn ar hyn o bryd.
Mae'r heddlu eisiau siarad gydag unrhyw un welodd Volkswagen Tiguan llwyd yn gyrru yn yr ardal cyn y digwyddiad rhwng 14:50 a 15:10.
Dylai unrhyw un welodd y digwyddiad neu sydd â lluniau dashcam gysylltu gyda Heddlu De Cymru ar 101.