Bachgen 16 oed wedi'i adael mewn cyflwr difrifol
- Cyhoeddwyd
Fe ddigwyddodd y gwrthdrawiad rhwng Ysgol Uwchradd Pencoedtre High School a Ffordd Pencoedtre
Mae bachgen 16 oed mewn cyflwr difrifol yn yr ysbyty wedi achos o daro a ffoi.
Cafwyd hyd iddo am 04:05 ar ffordd yr A4050 yn Y Barri ym Mro Morgannwg.
Dywed Heddlu De Cymru eu bod yn credu ei fod wedi bod mewn gwrthdrawiad â beic modur na wnaeth stopio a bod y bachgen wedi'i adael mewn cyflwr difrifol ar y ffordd.
Mae'r ffordd ar gau tra bod ymchwiliadau'r heddlu yn parhau.
Dywed plismyn eu bod yn awyddus i siarad ag unrhyw un oedd yn yr ardal ar y pryd ac maent hefyd yn apelio am unrhyw luniau CCTV neu ffilm camera car.