Covid-19: 24 marwolaeth arall a 1,645 achos newydd

Dywed Iechyd Cyhoeddus Cymru bod 1,645 o achosion newydd wedi eu cofnodi yng Nghymru yn ystod y 24 awr ddiwethaf gan godi cyfanswm yr achosion i 87,077.

Yn ogystal cafodd 24 yn rhagor o farwolaethau eu cofnodi gan ddod â chyfanswm y marwolaethau yng Nghymru i 2,695.

Yn ardal Caerdydd y cofnodwyd y nifer mwyaf o achosion sef 242, roedd yna 190 yn Abertawe, 149 yn Rhondda Cynon Taf, 139 yng Nghastell-nedd Port Talbot, 134 yng Nghasnewydd ac 111 yng Nghaerffili.