Dyn ifanc yn marw mewn gwrthdrawiad ffordd
- Cyhoeddwyd
Fe ddigwyddodd y gwrthdrawiad ar yr A470 yn ardal Storey Arms
Mae dyn ifanc wedi marw yn dilyn gwrthdrawiad ffordd ym Mannau Brycheiniog.
Bu farw dyn 19 oed yn y fan a'r lle wedi'r digwyddiad ar ran droellog o'r A470 yn ardal Storey Arms tua 22:30 nos Sadwrn.
Un cerbyd oedd yn y gwrthdrawiad, sef Mini Cooper du.
Doedd neb yn teithio yn y car gyda'r gyrrwr, ac mae swyddogion heddlu arbenigol yn rhoi cymorth i'w deulu.
Mae Heddlu Dyfed-Powys yn apelio am wybodaeth neu luniau dash cam gan unrhyw un a welodd y cerbyd yn yr ardal ar y pryd.