Dynes 108 oed, a oroesodd ffliw Sbaen, yn derbyn brechlyn

Mary Keir yn derbyn ei brechlynCyngor Sir Gâr

Mary Keir yn derbyn brechlyn yn erbyn Covid-19 yn 108 oed

Mae un o fenywod hynaf Cymru - Mary Keir, 108 oed - ymhlith rhai o'r preswylwyr cartrefi gofal cyntaf i dderbyn brechlyn Covid-19 newydd.

Roedd Mary ymhlith 37 o drigolion cartref gofal Awel Tywi yn Llandeilo, Sir Gâr, i dderbyn eu dos cyntaf o'r brechlyn Pfizer-BioNtech ddydd Iau.

Dywedodd ei bod yn rhyddhad cael y pigiad, a'i bod yn teimlo'n "llawer mwy diogel a hapus".

Dyma ail brofiad y cyn-nyrs o bandemig, ar ôl iddi fyw trwy'r achosion o ffliw Sbaen yn 1916.

"Roeddwn yn hapus iawn i gael y brechlyn. Rydyn ni wedi bod yn aros iddo fod yn barod", meddai Ms Keir, a oedd yn arfer gweithio fel uwch-nyrs yn Ysbyty Llandochau, Caerdydd.

"Diolch i Dduw am y bobl sydd wedi gallu ei gael i ni. Rydyn ni'n lwcus iawn. Erbyn hyn rwy'n teimlo'n llawer mwy diogel a hapus."

Nid yw’r post yma ar Twitter yn gallu ymddangos yn y porwr. Os gwelwch yn dda defnyddiwch Javascript neu geisio eto ar borwr gwahanol.Gweld y cynnwys gwreiddiol ar Twitter.
Nid yw'r BBC yn gyfrifol am gynnwys safleoedd allanol
I osgoi neges twitter gan BIP Hywel Dda

Caniatáu cynnwys Twitter?

Mae’r erthygl hon yn cynnwys deunydd gan Twitter. Gofynnwn am eich caniatâd cyn llwytho unrhyw beth, gan y gallai Twitter ddefnyddio cwcis neu dechnoleg arall. Mae’n bosib eich bod am ddarllen polisi cwcis Twitter a pholisi preifatrwydd cyn derbyn. Er mwyn gweld y cynnwys dewiswch ‘derbyn a pharhau’.

Nid yw'r BBC yn gyfrifol am gynnwys safleoedd allanol

Daw Mary'n wreiddiol o Dyddewi yn Sir Benfro, ond yn ddiweddarach bu'n byw yn Llansteffan yn Sir Gaerfyrddin cyn symud i Awel Tywi bron i naw mlynedd yn ôl.

Pan gysylltodd y tîm brechu o Fwrdd Iechyd Prifysgol Hywel Dda â'r cartref gofal i ofyn i staff a thrigolion a fyddent yn barod i gael y brechlyn, llaw Mary oedd y gyntaf i fyny.

Dywedodd Ros Jervis, Cyfarwyddwr Iechyd y Cyhoedd yn Hywel Dda: "Er bod sesiwn brechu cartrefi gofal llwyddiannus heddiw yn foment arwyddocaol i ni yma yng ngorllewin Cymru, rydym yn agosáu at gael ei gyflwyno i breswylwyr cartrefi gofal wrth i ni ddysgu sut i gludo a gweinyddu'r brechlyn arbennig o anodd hwn i ffwrdd o'n prif ganolfan frechu.

"Rydyn ni'n gwybod y bydd llawer o'n preswylwyr cartrefi gofal yn awyddus i gael gafael ar y brechlyn cyn gynted â phosib.

"Nid dyma ddechrau cyflwyno'r brechlyn i holl breswylwyr cartrefi gofal eto, ond bydd bod yn rhan o'r peilot hwn yn ein rhoi mewn lle da i ddechrau unwaith y byddwn ni wedi dysgu ohono."

Pynciau cysylltiedig

Straeon perthnasol