Apêl am dystion wedi gwrthdrawiad yng Nghaerdydd
- Cyhoeddwyd
Mae Heddlu'r De yn apelio am dystion ar ôl gwrthdrawiad rhwng cerbyd a cherddwr yng Nghaerdydd ddydd Llun.
Mae'r cerddwr 31 oed yn parhau mewn cyflwr difrifol yn Ysbyty Athrofaol Cymru.
Digwyddodd y gwrthdrawiad gyda'r Audi Q3 du ychydig cyn 08:40 yn Nhrelái.
Dywed yr heddlu eu bod yn awyddus i glywed gan dystion a welodd y cerbyd neu'r cerddwr yn y cyfnod cyn y gwrthdrawiad.