Galar teulu wedi marwolaeth mam i saith o blant

Roedd Marie Bellingham yn fam i saith o fechgyn

Mae'r heddlu wedi cadarnhau mai Marie Bellingham, 46 oed a mam i saith o blant, fu farw yn dilyn tân mewn tŷ yn Hwlffordd, Sir Benfro, nos Lun.

Mae Heddlu Dyfed-Powys a Gwasanaeth Tân ac Achub y Canolbarth a'r Gorllewin yn parhau i ymchwilio i achos yn tân yng Nghlôs Siskin.

Bu diffoddwyr ar y safle tan 02:00 fore Mawrth yn rheoli'r tân

Dywedodd ei theulu ei bod "yn fam gariadus i saith o fechgyn sydd wedi torri'u calon o golli eu mam".

"Mae'r bechgyn yn hynod ddiolchgar am y gefnogaeth a'r caredigrwydd mae'r gymuned wedi ei ddangos yn ystod yr amser trist yma," meddai'r teulu mewn datganiad.

"Maent am ddiolch i bawb am hyn, yn ogystal â'r parch a'r preifatrwydd sydd wedi ei roi iddynt."