Dyn wedi marw mewn gwrthdrawiad ar ffordd osgoi'r Drenewydd
- Cyhoeddwyd
Mae ffordd osgoi'r Drenewydd wedi bod ar agor ers 2019
Mae dyn 36 oed wedi marw mewn gwrthdrawiad ym Mhowys ddydd Sul.
Dywedodd Heddlu Dyfed-Powys bod y gwrthdrawiad wedi digwydd ar yr A489, ffordd osgoi'r Drenewydd, am tua 18:30.
Ychwanegodd y llu bod teulu'r dyn wedi cael gwybod, a bod gyrrwr mewn cerbyd arall wedi cael ei gymryd i'r ysbyty gyda mân anafiadau.
Roedd y ddwy lôn ar yr A489 ar gau dros nos, gyda gyrwyr yn cael eu dargyfeirio.