Arestio carcharor ar ffo ym Maesteg

Mae Andrew Gestyn Richards yn garcharor yn Leyhill yn ne Sir Gaerloyw

Dywed Heddlu De Cymru bod dyn a gafwyd yn euog o dreisio yn y 1990au wedi ei ganfod ym Maesteg.

Doedd Andrew Gestyn Richards ddim wedi dychwelyd i garchar Leyhill yn Sir Gaerloyw wedi iddo gael ei ryddhau dros dro ddydd Gwener.

Roedd Mr Richards, 52, wedi bod yn aros yn Abertawe a dywed yr heddlu eu bod wedi ei arestio ym Maesteg, ger Pen-y-bont wedi iddyn nhw dderbyn gwybodaeth gan y gymuned.

Cafodd ei garcharu yn 1995 am droseddau oedd yn cynnwys, ymosod, ymosod yn anweddus a threisio.