Dyn wedi marw mewn gwrthdrawiad yn Sir Wrecsam

Fe ddigwyddodd y gwrthdrawiad ar yr A539 rhwng Erbistog a Rhiwabon

Mae dyn wedi marw mewn gwrthdrawiad ffordd yn Sir Wrecsam.

Fe ddigwyddodd y gwrthdrawiad tua 10:40 ddydd Sul ar yr A539 rhwng Erbistog a Rhiwabon.

"Roedd Fiat Panda gwyn mewn gwrthdrawiad ac yn anffodus bu farw dyn yn y fan a'r lle," meddai'r Sarjant Jason Diamond o Heddlu Gogledd Cymru.

Roedd y cerbyd yn teithio o gyffordd Pen y Lan i gyfeiriad Rhiwabon.

Mae'r llu'n awyddus i glywed gan unrhyw un oedd yn yr ardal neu a welodd y digwyddiad ac yn apelio am wybodaeth a lluniau dashcam.