Gyrrwr 71 oed wedi marw mewn gwrthdrawiad ffordd
- Cyhoeddwyd
Fe ddigwyddodd y gwrthdrawiad ar Heol Clasemont, Treforys
Mae dyn 71 oed wedi marw mewn gwrthdrawiad ffordd yn Nhreforys, Sir Abertawe.
Fe ddigwyddodd y gwrthdrawiad am 14:19 ddydd Llun ar Heol Clasemont, rhwng Long View Road a Mount Crescent.
Bu farw'r dyn, oedd yn gyrru Ford Fiesta du, yn y fan a'r lle. Mae ei deulu'n cael cefnogaeth gan swyddog heddlu arbenigol.
Mae Heddlu De Cymru wedi diolch i unigolion a roddodd cymorth ar safle'r gwrthdrawiad, ac aelodau'r cyhoedd am eu hamynedd tra bo ffyrdd ar gau wedi'r digwyddiad.
Mae'r llu eisiau clywed gan unrhyw un a welodd y cerbyd cyn neu yn ystod y gwrthdrawiad.