Dyn yn pledio'n euog o geisio llofruddio'i bartner
- Cyhoeddwyd
Stephen Gibbs yn cyrraedd y llys
Mae dyn 45 mlwydd oed o'r Barri wedi pledio'n euog ar ôl cael ei gyhuddo o geisio llofruddio'i bartner.
Cafodd Stephen Gibbs ei arestio yn dilyn digwyddiad yn ardal Lakeside yn Y Barri ym mis Ionawr eleni.
Mewn gwrandawiad llys blaenorol, fe wnaeth Gibbs gyfaddef iddo glwyfo ei bartner Emma Brown, 49, yn fwriadol, ond gwadodd y cyhuddiad o geisio ei lladd.
Yn ystod gwrandawiad byr yn Llys y Goron Caerdydd heddiw, newidiodd Gibbs ei ble gan gyfaddef iddo geisio llofruddio Ms Brown.
Clywodd y llys fod Gibbs eisoes wedi'i gofnodi fel "person peryglus" yn ôl y Ddeddf Cyfiawnder Troseddol 2003.
Fe fydd Gibbs yn cael ei ddedfrydu yn Llys y Goron Ferthyr Tudful ar Ddydd Gwener 8 Hydref.
Dywedodd y barnwr, Ustus Twomlow, y bydd Gibbs yn wynebu cyfnod "hir iawn" yn y carchar.