Cyhoeddi enw beiciwr modur fu farw mewn gwrthdrawiad

Mae beiciwr modur "ysbrydoledig" bu farw mewn gwrthdrawiad ddydd Gwener wedi cael ei enwi fel Paul "Walter" Watkins.

Bu farw Mr Watkins, 60 o Draethmelyn, Port Talbot yn lleoliad y gwrthdrawiad rhwng cylchfan Afan Way a chylchfan Parc Ynni Baglan ar yr A4241 ym Mhort Talbot ddydd Gwener.

Cafodd Mr Watkins, a oedd yn beiriannydd beiciau modur, ei ddisgrifio fel dyn a oedd yn "caru" beiciau modur ac yn cael ei "barchu'n fawr" am ei waith fel peiriannydd.

"Fe oedd y peiriannydd beic gorau a'r ffrind gorau gallech chi erioed ofyn am," meddai ei deulu.

Mae Heddlu De Cymru yn parhau i ymchwilio i'r digwyddiad.