Ifan Phillips, bachwr y Gweilch, wedi colli ei goes ar ôl gwrthdrawiad

Ifan PhillipsIfan Phillips/Instagram

Fe ddiolchodd Ifan Phillips i bobl am eu "negeseuon a'ch cyfraniadau hael"

Mae chwaraewr rygbi wedi cadarnhau ei fod wedi colli ei goes yn dilyn gwrthdrawiad rhwng dau feic modur.

Dywedodd Ifan Phillips, bachwr y Gweilch, nad oedd hi'n bosib i ddoctoriaid achub ei goes wedi'r digwyddiad ar 5 Rhagfyr.

Fe ddigwyddodd y gwrthdrawiad yn Abertawe, ac fe gafodd Phillips ei gymryd i Ysbyty Treforys.

Yn ystod llawdriniaeth yno, dywedodd Phillips, 25, y bu'n rhaid torri ei goes i ffwrdd uwchben ei ben-glin.

'Diolch o galon'

Mewn neges ar y cyfryngau cymdeithasol brynhawn Sul, dywedodd fod ei "ysbryd yn uchel" ac y byddai'n parhau i fod yn "actif".

Roedd ymgyrch ar-lein i gasglu arian i Phillips - sy'n fab i gyn-fachwr Cymru a Chastell-nedd, Kevin - wedi codi bron i £60,000 nos Sul.

Yn y neges, ychwanegodd Phillips yn Gymraeg: "Diolch o galon i bawb am eich negeseuon a'ch cyfraniadau hael.

"Dwi'n gwerthfawrogi'r cyfan yn fawr iawn."

Nid yw’r post yma ar X yn gallu ymddangos yn y porwr. Os gwelwch yn dda defnyddiwch Javascript neu geisio eto ar borwr gwahanol.Gweld y cynnwys gwreiddiol ar X.
Nid yw'r BBC yn gyfrifol am gynnwys safleoedd allanol
I osgoi neges X gan Ospreys

Caniatáu cynnwys X?

Mae’r erthygl yma’n cynnwys elfennau sydd wedi eu darparu gan X. Gofynnwn am eich caniatâd cyn eu llwytho, oherwydd fe allai wneud defnydd o cwcis a thechnolegau eraill. Efallai y byddwch am ddarllen polisi cwcis X a pholisi preifatrwydd cyn derbyn. I weld y cynnwys yma dewiswch ‘derbyn a pharhau’.

Nid yw'r BBC yn gyfrifol am gynnwys safleoedd allanol

Mae'r bachwr wedi chwarae 40 o gemau dros y rhanbarth, a bu'n ymarfer gyda charfan Cymru yr haf diwethaf.

Fe chwaraeodd dros Grymych, Cwins Caerfyrddin a Chastell-nedd cyn ymuno â'r Gweilch, ble wnaeth ei ymddangosiad cyntaf dros y rhanbarth ym mis Chwefror 2017.

Pynciau cysylltiedig

Straeon perthnasol