Dyn 70 oed wedi marw ar ôl ymosodiad ym Mhort Talbot
- Cyhoeddwyd
Cafodd yr heddlu eu galw i Heol Dan Y Bryn, Port Talbot, fore Iau
Mae'r heddlu wedi arestio dyn ar ôl ymosodiad ar ddyn 70 oed fu farw o'i anafiadau.
Bu farw'r dyn o ardal Taibach, Port Talbot, yn yr ysbyty ar ôl cael ei ddarganfod mewn adeilad ar Heol Dan Y Bryn am 11:40 fore Iau.
Mae dyn 58 oed, gafodd ei arestio ar amheuaeth o achosi niwed gyda bwriad, wedi ei ryddhau ar fechnïaeth.
Dywedodd Heddlu De Cymru nad ydyn nhw'n chwilio am unrhyw un arall mewn cysylltiad â'r digwyddiad.