Dyn, 35, wedi marw tra'n cerdded ger Tonyrefail
- Cyhoeddwyd
Mae dyn 35 oed wedi marw yn dilyn gwrthdrawiad ar yr A4119 ger Tonyrefail yn oriau mân bore Sul.
Cafodd y gwasanaethau brys eu galw i'r ffordd rhwng cylchfan Coed-Elái a chylchfan Tonyrefail yn Rhondda Cynon Taf tua 03:00 bore dydd Sul 13 Chwefror.
Dywedodd yr heddlu bod y dyn o ardal Pentre, oedd yn cerdded ar y pryd, wedi marw yn y fan a'r lle yn dilyn gwrthdrawiad gyda cherbyd nwyddau trymion.
Mae'r ffordd yn parhau ar gau wrth i swyddogion barhau â'u hymchwiliadau.
Mae'r heddlu'n apelio am wybodaeth.