Chwe Gwlad Merched: Lloegr 58-5 Cymru

Cymru yn atal ymosodiad gan Loegr

Wedi llwyddiant yn erbyn Iwerddon a'r Alban fe gollodd Cymru yn drwm brynhawn Sadwrn yn erbyn Lloegr ym Mhencampwriaeth Chwe Gwlad y Merched.

Cais Lark Davies oedd y cyntaf i roi'r Saeson ar y blaen wedi 16 munud ac yn yr hanner cyntaf fe ddaeth ceisiau gan Abbie Ward a Jess Breach ac wedi trosi llwyddiannus roedd y sgôr ar hanner amser yn 19-0.

Wedi 46 munud fe ddaeth cais pwynt bonws i Loegr wrth i Lark Davies sgorio eto ac o fewn pum munud roedd yna gais arall i Jess Breach ac er i Zoe Harrison fethu trosi roedd y Saeson 29 pwynt ar y blaen wedi 53 munud.

Er bod amddiffyn Cymru yn ddigon cryf ar brydiau roedd yna fwy o geisiau yn yr ail hanner i Loegr - y tro hwn i Sarah Bern ac Alex Mathews.

Ond wedi 69 munud roedd yna gais i Gymru wrth i Kelsey Jones groesi - methiant fu ymdrech Keira Bevan i drosi.

Fe wnaeth y Saeson ymateb yn gyflym gan sgorio tri chais arall ymhen munudau - y tro hwn y prop Shaunagh Brown, Emily Scarratt a Sarah Hunter wnaeth groesi'r gwyngalch.

Y sgôr terfynol Lloegr 58-5 Cymru.

• Chwe Gwlad Merched: Iwerddon 19-27 Cymru

• Chwe Gwlad: Cymru 24-19 Yr Alban