Rhydaman: Dyn wedi marw ar ôl gwrthdrawiad beic
- Cyhoeddwyd
Fe ddigwyddodd y gwrthdrawiad tu allan i'r Discovery Bookshop ar Heol Cwmaman, Garnant
Mae dyn 58 oed wedi marw yn dilyn gwrthdrawiad beic yn Rhydaman ddydd Gwener.
Fe ddigwyddodd y gwrthdrawiad oddeutu 20:45 nos Wener, 6 Mai ar Heol Cwmaman, Garnant, tu allan i siop Discovery Bookshop.
Cafodd y dyn oedd ar gefn y beic anafiadau difrifol a bu farw yn yr ysbyty yn ddiweddarach.
Doedd dim cerbyd arall yn rhan o'r digwyddiad, meddai'r heddlu.
Mae Heddlu Dyfed-Powys yn apelio am dystion ac yn gofyn i bobl leol â chamerâu cylch cyfyng sy'n gwylio'r ardal i gysylltu â nhw.