Hedfan claf i'r ysbyty yn dilyn gwrthdrawiad yn Aberystwyth
- Cyhoeddwyd
Mae un person wedi cael ei gludo i'r ysbyty mewn ambiwlans awyr yn dilyn gwrthdrawiad yn Llanbadarn Fawr, Aberystwyth.
Cafodd y gwasanaeth ambiwlans eu galw toc cyn 13:00 ddydd Iau.
Yn fuan wedi hynny, cafodd ambiwlans awyr ei anfon ac mae'r claf wedi ei gludo i Ysbyty Treforys, Abertawe.
Does dim mwy o fanylion am gyflwr yr unigolyn ar hyn o bryd.