Adroddiadau o ollyngiad cemegolion ym Mae Caerdydd
- Cyhoeddwyd
Mae'r heddlu wedi gofyn i'r cyhoedd gadw draw
Mae tri o bobl wedi eu cludo i'r ysbyty yn dilyn adroddiadau bod cemegolion wedi gollwng yn ardal Bae Caerdydd.
Yn ôl Heddlu De Cymru mae pobl wedi'u cynghori i gadw drysau a ffenestri ar gau o amgylch Dociau'r Frenhines Alexandra, Trebiwt.
Cafodd timau arbenigol o Wasanaeth Tân ac Achub De Cymru a Gwasanaeth Ambiwlans Cymru eu galw allan am 11:00.
Dywedodd y gwasanaeth ambiwlans bod cerbyd ymateb cyflym ac ambiwlans wedi'u hanfon.
Does dim adroddiadau o anafiadau - mae'r tri wedi cael eu cludo i'r ysbyty i gael profion yn unig.