Gareth Bale yn targedu Euro 2024 - a Chwpan y Byd 2026?

Roedd Bale yn siarad yn ei gynhadledd newyddion gyntaf fel chwaraewr LAFC

Mae capten Cymru Gareth Bale yn targedu Euro 2024 - ac efallai Cwpan y Byd 2026 - ar ôl datgan ei fod wedi ymuno â Los Angeles FC am y tymor hir.

Ymunodd y blaenwr 32 oed â LAFC ar drosglwyddiad am ddim o Real Madrid, gydag opsiwn i aros am dymor 2024 hefyd.

Fe wfftiodd Bale - sy'n troi'n 33 oed yn ddiweddarach yn yr wythnos - y syniad ei fod ond wedi arwyddo er mwyn bod yn holliach ar gyfer Cwpan y Byd yn ddiweddarach eleni.

"Mae bod yma yn rhoi'r cyfle gorau posib i mi gyrraedd yr Ewros a, wyddoch chi byth, efallai un arall," meddai.

"Mae gen i flynyddoedd lawer i ddod o hyd. Dydw i ddim wedi dod yma dim ond i fod yma ers chwech neu 12 mis. Rwyf wedi dod yma i geisio bod yma mor hir â phosib.

"Mae'n rhoi'r cyfle gorau i mi ddal ati i'r Ewros nesaf, efallai ymhellach."