Cydweli: Dyn yn y ddalfa ar ôl gwrthdrawiad â beic modur
- Cyhoeddwyd
Digwyddodd y gwrthdrawiad tua 19:00 ddydd Sadwrn
Mae dyn yn y ddalfa ar ôl i ddau berson ar gefn beic modur gael eu hanafu'n ddifrifol mewn gwrthdrawiad â char yng Nghydweli.
Cafodd y ddau eu cludo mewn hofrennydd i Ysbyty Athrofaol Cymru yng Nghaerdydd wedi'r gwrthdrawiad tua 19:00 nos Sadwrn ar Ffordd Ferry.
Roedd y ffordd ynghau tan 04:30 fore Sul.
Cafodd gyrrwr Chevrolet du ei arestio ar amheuaeth o achosi anafiadau difrifol drwy yrru'n ddiofal.
Dywed Heddlu Dyfed Powys fod prawf wedi dangos fod y gyrrwr wedi cymryd cyffuriau ac maen nhw'n apelio am wybodaeth.