Beiciwr modur wedi marw ar gyrion Aberystwyth
- Cyhoeddwyd
Cafodd y gwasanaethau brys eu galw i'r digwyddiad ar yr A487 yn Bow Street brynhawn Mercher
Mae beiciwr modur wedi marw yn dilyn gwrthdrawiad ar yr A487 yng Ngheredigion ddydd Mercher.
Cafodd y gwasanaethau brys eu galw i'r digwyddiad yn Bow Street, ar gyrion Aberystwyth, ychydig cyn 13:00.
Fe gafodd y beiciwr modur - dyn yn ei 70au - ei gyhoeddi'n farw yn y fan a'r lle.
Dywedodd Heddlu Dyfed-Powys mai'r beic modur oedd yr unig gerbyd fu'n rhan o'r gwrthdrawiad.
Mae teulu'r dyn a'r crwner wedi cael gwybod am y farwolaeth, ac mae'r heddlu yn apelio am wybodaeth.