Lluniau gorau'r wythnos o Eisteddfod Tregaron 2022

7 Awst 2022

Ar ôl dwy flynedd o fod ar lein, roedd yr Eisteddfod Genedlaethol yn ôl, gyda Maes go iawn yn rhoi'r cyfle i bobl ddal fyny hyd yn oed yn fwy na'r arferol.

Wedi dechrau wythnos eithaf glawog, fe ddaeth yr haul - a gyda hynny bu nifer fawr yn mwynhau'r gigs ar Lwyfan y Maes yn ystod y dydd a gyda'r nosau. Ac oedd, roedd teilyngdod hefyd.

Dyma gasgliad o'r lluniau sy'n rhoi cip ar stori'r ŵyl o orielau Cymru Fyw yn ystod yr wythnos.

Plentyn a'i thaid yn tynnu troli ar hyd y Maes — Disgrifiad o’r llun,
Erin o Fryniwan, ger Caerfyrddin yn helpu Taid gyda'r troli

Dyn yn cario diod o'r bar — Disgrifiad o’r llun,
Merin yn fodlon wrth Bar Williams Parry - bar newydd Maes yr Eisteddfod

Chwaraewr corned yn ymarfer cefn llwyfan — Disgrifiad o’r llun,
Y bandiau pres sy'n cystadlu ar benwythnos cynta'r Eisteddfod, ac mae'n bwysig cynhesu'r offeryn gefn llwyfan cyn perfformio

Dafydd Iwan ar Lwyfan y Maes nos Sul — Disgrifiad o’r llun,
Yma o Hyd - Dafydd Iwan ar Lwyfan y Maes nos Sul

Torf yn gwylio Dafydd Iwan — Disgrifiad o’r llun,
... ac roedd miloedd o bobl o bob oed yn ei wylio

Bachgen gyda bwa a saeth — Disgrifiad o’r llun,
Osian, sy'n chwe blwydd oed ac yn dod o Gaerfyrddin, yn canolbwyntio tra'n defnyddio'r bwa a saeth

Esyllt Maelor wedi ei choroni — Disgrifiad o’r llun,
Esyllt Maelor, enillydd Coron Eisteddfod Genedlaethol Ceredigion 2022

Plentyn ifanc gyda Mr Urdd — Disgrifiad o’r llun,
Ifan o Benrhyn-coch, yn cofleidio un o eiconau Cymru, Mistar Urdd

Aelodau Meibion y Mynydd yn cael peint ar y Maes — Disgrifiad o’r llun,
Aelodau o Gôr Meibion y Mynydd yn cyfarfod dros beint yn y Pentre' Bwyd

Plentyn ifanc ym mreichiau ei Dad — Disgrifiad o’r llun,
Euros o Ysbyty Cynfyn, Ponterwyd, yn mwynhau ei Steddfod gyntaf

Dwy yn edrych ar lun yn y Lle Celf — Disgrifiad o’r llun,
Pwy sy'n edrych ar bwy? Mwynhau yn y Lle Celf

Gwilym Bowen Rhys — Disgrifiad o’r llun,
Gwilym Bowen Rhys yn morio canu ym mhabell Coleg Cymraeg Cenedlaethol

Cynulleidfa yn edrych ar seremoni — Disgrifiad o’r llun,
Y gynulleidfa'n mwynhau

Creu fflam mewn arbrawf gwyddonol — Disgrifiad o’r llun,
Peidiwch â gwneud hyn gartref... arbrawf ffrwydrol gyda TSE yn y pentref Gwyddoniaeth a Thechnoleg

Protest Cymdeithas yr Iaith Gymraeg — Disgrifiad o’r llun,
Roedd dros 200 o bobl ym mhrotest Cymdeithas yr Iaith am y sefyllfa ail dai

Perfformiad stryd — Disgrifiad o’r llun,
Un o'r nifer o berfformiadau theatr stryd ar y Maes

Mark Drakeford yn cael ei urddo — Disgrifiad o’r llun,
Y Prif Weinidog Mark Drakeford - neu 'Mark Pengwern' yn ôl ei enw barddol - yn cael ei dderbyn i'r Orsedd, a hynny i gymeradwyaeth hiraf y seremoni

Enillydd y Gadair Llŷr Gwyn Lewis yn cael ei gadeirio gan yr Archdderwydd Myrddin ap Dafydd — Disgrifiad o’r llun,
Enillydd y Gadair Llŷr Gwyn Lewis yn cael ei gadeirio gan yr Archdderwydd Myrddin ap Dafydd

Arwydd Eisteddfod - heb yr E a'r F, O a D — Disgrifiad o’r llun,
Dechreuodd dydd Sadwrn ola'r Eisteddfod gyda dirgelwch... diflaniad rhai o lythrennau'r gair Eisteddfod ar y Maes. Roedd rhai'n dweud mai trefnwyr yr ŵyl oedd tu cefn i'r cyfan, eraill yn amau bod Twm Siôn Cati yn ôl yn yr ardal

Cantores ar y llwyfan — Disgrifiad o’r llun,
Y mezzo-soprano o Ddinbych Ceri Haf Roberts wnaeth ennill Gwobr Goffa David Ellis - Y Rhuban Glas