Llanfachraeth: Dyn, 34, yn y llys ar gyhuddiad o dreisio merch ar draeth
- Cyhoeddwyd
Cafwyd ymosodiad ar ferch yn ardal Traeth Penial, Llanfachraeth
Mae dyn 34 oed wedi ymddangos yn y llys wedi'i gyhuddo o dreisio merch a throseddau rhyw eraill ar draeth ym Môn.
Ymosodwyd ar y ferch yn ardal Traeth Penial, Llanfachraeth, a chafodd y digwyddiad ei nodi ddydd Iau.
Ymddangosodd Lee James Howland - o ardal Bethesda, Gwynedd - o flaen ynadon Caernarfon ddydd Mawrth. Ni chafwyd cais am fechnïaeth.
Ni chafwyd unrhyw ble chwaith, a chafodd ei gadw yn y ddalfa i ymddangos gerbron Llys y Goron Caernarfon ar 12 Medi.