Apêl am dystion wedi gwrthdrawiad ar yr A470
- Cyhoeddwyd
Digwyddodd y gwrthdrawiad brynhawn Sadwrn 27 Awst
Mae Heddlu Dyfed-Powys yn apelio am dystion wedi gwrthdrawiad rhwng dau gerbyd ar ffordd yr A470 yn Llandyfalle yn ne Powys.
Fe ddigwyddodd y gwrthdrawiad rhwng fan wen a beic modur Suzuki glas oddeutu 17:00 brynhawn Sadwrn, 27 Awst.
Bu farw gyrrwr y beic modur yn y fan a'r lle.
Bu'r ffordd ar gau am nifer o oriau wrth i'r gwasanaethau brys ddelio â'r gwrthdrawiad - fe agorodd am 02:30 fore Sul.