Dan Biggar i adael Northampton ar ddiwedd y tymor

Mae Biggar wedi chwarae 68 o weithiau dros Northampton - gan ddechrau bob gêm

Bydd capten Cymru Dan Biggar yn gadael Northampton ar ddiwedd tymor 2022-23 ar ôl pum mlynedd gyda'r clwb.

Ymunodd Biggar, 32, o'r Gweilch yn 2018 a bydd yn gadael pan ddaw ei gytundeb presennol i ben.

Mae maswr y Llewod yn ansicr lle bydd yn symud nesaf.

"Rwyf wedi caru fy amser yn Northampton Saints, clwb rygbi traddodiadol sy'n llawn o bobl wych o'r top i'r gwaelod," meddai Biggar.

"Bydden i wedi hoffi chwarae mwy o gemau dros y clwb."