Arestio gyrrwr wedi i seiclwr farw mewn gwrthdrawiad
- Cyhoeddwyd
Fe ddigwyddodd y gwrthdrawiad ar Heol Cwmafan, ger y troad am Rhes Llundain
Mae gyrrwr wedi cael ei arestio ar ôl i seiclwr farw yn dilyn gwrthdrawiad ym Mhort Talbot fore Iau.
Cafodd Heddlu De Cymru eu galw i'r digwyddiad ar y B4286, Heol Cwmafan am tua 06:40.
Dywedodd y llu fod y seiclwr - dyn 38 oed o ardal Margam - wedi bod mewn gwrthdrawiad â char Vauxhall Astra.
Mae dyn 33 oed o Faesteg wedi cael ei arestio mewn cysylltiad â'r digwyddiad.
Mae Heddlu'r De yn parhau i ymchwilio, ac yn annog unrhyw un sydd â gwybodaeth neu luniau dash-cam o'r ardal ar y pryd i gysylltu â nhw.