Tair lori mewn gwrthdrawiad ar yr A40 yn Sir Gaerfyrddin
- Cyhoeddwyd
Mae'r heddlu'n ymchwilio i'r gwrthdrawiad ar ffordd yr A40 rhwng Hendy-gwyn ar Daf a Sanclêr
Mae ffordd yn Sir Gaerfyrddin yn parhau ar gau yn dilyn gwrthdrawiad rhwng tair lori yn oriau mân bore Mercher.
Cafodd y gwasanaethau brys eu galw i ffordd yr A40 rhwng Hendy-gwyn ar Daf a Sanclêr toc cyn 02:00.
Cafodd un person ei dynnu o gerbyd gan y Gwasanaeth Tân ac Achub cyn cael ei gludo i'r ysbyty.
Roedd dau arall wedi eu hanafu hefyd.
Mae'r ffordd ynghau wrth i Heddlu Dyfed-Powys barhau â'u hymchwiliad.