Dyn wedi marw mewn gwrthdrawiad rhwng car a lori
- Cyhoeddwyd
Fe ddigwyddodd y gwrthdrawiad ar yr A473 rhwng Llanharan a Thonysguboriau
Mae dyn wedi marw a dynes mewn cyflwr difrifol yn yr ysbyty yn dilyn gwrthdrawiad rhwng car a lori yn Rhondda Cynon Taf.
Cafodd y gwasanaethau brys eu galw i'r digwyddiad ar yr A473 rhwng Llanharan a Thonysguboriau am tua 04:30 fore Sadwrn.
Dywedodd yr heddlu mai car Audi A3 a lori oedd yn rhan o'r gwrthdrawiad.
Roedd y dyn fu farw a'r fenyw sydd mewn cyflwr difrifol yn teithio yn yr Audi.
Mae Heddlu De Cymru yn apelio ar unrhyw un sydd â gwybodaeth am y digwyddiad i gysylltu â nhw.