Dynes a phlentyn yn yr ysbyty wedi gwrthdrawiad ym Mhowys
- Cyhoeddwyd
Digwyddodd y gwrthdrawiad ar y A470 rhwng Aberhonddu a Felinfach
Mae dynes a phlentyn ifanc wedi eu cludo i'r ysbyty yn dilyn gwrthdrawiad ger Aberhonddu ym Mhowys.
Dywedodd Heddlu Dyfed Powys fod y gwrthdrawiad rhwng dau gerbyd wedi digwydd ar yr A470 am 11:15 ddydd Mawrth 27 Rhagfyr.
Cafodd y ddynes a'r plentyn eu cludo i'r ysbyty, ble maen nhw mewn cyflwr sefydlog.
Bu'r ffordd ar gau am oriau wrth i'r gwasanaethau brys ddelio gyda'r digwyddiad, rhwng Peugeot 208 glas tywyll oedd yn teithio tua Felinfach a Vauxhall Corsa arian oedd yn mynd i gyfeiriad Aberhonddu.
Cafodd y ffordd ei hailagor ychydig cyn 20:00, ac mae'r heddlu wedi apelio am unrhyw un â lluniau dashcam i gysyllu â nhw.