Nantmel: Beiciwr modur wedi marw mewn gwrthdrawiad â char
- Cyhoeddwyd
Mae dyn wedi marw mewn gwrthdrawiad rhwng car a beic modur ym Mhowys brynhawn Mawrth.
Digwyddodd y gwrthdrawiad rhwng Toyota Hilux gwyn a beic modur BMW llwyd ar yr A44 ger Nantmel am tua 13:50.
Bu farw'r dyn, a oedd yn gyrru'r beic modur, yn y fan a'r lle.
Cafodd person arall oedd yn teithio ar gefn y beic ei gludo gan ambiwlans awyr i Ysbyty Athrofaol Cymru yng Nghaerdydd.
Fe gafodd gyrrwr y car hefyd fân anafiadau.
Mae Heddlu Dyfed Powys yn apelio ar unrhyw un gyda gwybodaeth i gysylltu â nhw.