Cwpan Her Ewrop: Benetton 27-23 Caerdydd

Roedd Caerdyddyn gobeithio ymuno gyda'r Scarlets yn rownd gynderfynol Cwpan Her Ewrop

Boddi yn ymyl y lan oedd hanes Caerdydd wrth i Benetton gyrraedd rownd gynderfynol Cwpan Her Ewrop.

Roedd yn ymdrech lew gan dîm y brifddinas ond roedd cais hwyr i'r Eidalwyr yn ddigon i sicrhau'r fuddugoliaeth.

Sgoriodd Marcus Watson y cais hollbwysig wedi sgoriau blaenorol gan Rhyno Smith a Michele Lamaro.

Ymatebodd Caerdydd gyda cheisiau gan Thomas Young a Mason Grady a 13 pwynt gan Rhys Priestland.

Gwobr Benetton fydd taith i chwarae Toulon ar benwythnos olaf mis Ebrill.

Golyga'r canlyniad mai Benetton yw tîm cyntaf o'r Eidal i gyrraedd rownd gynderfynol yn Ewrop.