Pryder dros ddyn sydd ar goll yng ngorllewin Affrica
- Cyhoeddwyd
Mae Michael Costain wedi mynd ar goll tra'n teithio yn Affrica
Mae ymdrech ar waith i ddod o hyd i ddyn 69 oed o Bowys, sydd wedi mynd ar goll yng ngorllewin Affrica ers dros fis.
Roedd disgwyl i Michael Costain, sy'n byw yn Rhaeadr, ddychwelyd i Gymru o'i wyliau yn Gambia ar 20 Mawrth ar ôl teithio yno ar 8 Mawrth.
Y gred yw fod Mr Costain wedi aros yn ardal Busumbala, yng ngorllewin Gambia, am ddeuddydd cyn gadael er mwyn teithio i bentref Abene, yn ne Senegal.
Er ei fod wedi trefnu hediad adref nid oedd ar yr awyren a does neb wedi ei weld ers hynny.
Mae Heddlu Dyfed-Powys yn apelio ar unrhyw un sydd â gwybodaeth all fod yn ddefnyddiol i gysylltu â nhw.