Cerddwr wedi marw ar ôl cael ei daro gan gar ger Wrecsam
- Cyhoeddwyd
Digwyddodd y gwrthdrawiad am tua 21:50 ar yr A525 yng Nghoedpoeth
Mae dyn wedi marw ar ôl cael ei daro gan gar yn ardal Wrecsam nos Fawrth.
Cafodd y gwasanaethau brys eu galw i wrthdrawiad rhwng cerddwr a Ford Focus ar yr A525 yng Nghoedpoeth am tua 21:50.
Bu farw'r cerddwr yn y fan a'r lle. Mae'r crwner wedi cael gwybod am y farwolaeth.
Mae'r Sarjant Nicola Laurie, o Heddlu'r Gogledd, wedi gwneud apêl am dystion.
Diolchodd hefyd i bobl a oedd wedi helpu'r gwasanaethau brys ar leoliad.
"Mae ein cydymdeimladau yn parhau gyda theulu a ffrindiau'r dyn ar yr adeg yma," meddai.
Mae ffordd yr A525 bellach wedi ailagor.