Euro dan-17: Gweriniaeth Iwerddon 3-0 Cymru

Ikechukwu Orazi yn sgorio ail gôl Iwerddon ar brynhawn siomedig i Gymru yn Felcsút, Hwngari

Mae Cymru yn parhau heb yr un pwynt ym Mhencampwriaeth o dan-17 Ewrop yn dilyn colled yn erbyn Gweriniaeth Iwerddon.

Wedi colli o 3-0 yn erbyn Hwngari yn eu gêm agoriadol, roedd Cymru angen canlyniad yn erbyn eu cefndryd Celtaidd i gadw eu gobeithion o barhau yn y gystadleuaeth yn fyw.

Ond roedd Gweriniaeth Iwerddon ar y blaen yn Felcsút wedi 21 munud.

Er i Armstrong arbed cic o'r smotyn Naj Razi, llwyddodd chwaraewr Shamrock Rovers i rwydo pan ddisgynnodd y bêl yn rhydd yn y cwrt, er mawr siom i'r gôl geidwad.

Roedd gwaeth i ddod i'r Cymry ifanc cyn yr egwyl wrth i Ike Irazi ddyblu mantais y Gwyddelod wedi 34 munud.

Dyma'r tro cyntaf i dîm dan-17 Cymru sicrhau eu lle yn y gystadleuaeth, sy'n cael ei chynnal yn Hwngari

Yn wynebu talcen caled i achub eu pencampwriaeth, gwthiodd tîm Craig Knight ymlaen yn yr ail hanner.

Ond roedd eu gobeithion ar ben, i bob pwrpas, yn dilyn ergyd wefreiddiol Akachukwu i'w gwneud hi'n 3-0 ar ôl awr.

Bydd gêm olaf Cymru yn y grŵp yn erbyn Gwlad Pwyl nos Fawrth.