Plentyn wedi'i anafu ar ôl cael ei daro gan feic modur
- Cyhoeddwyd
Fe ddigwyddodd y gwrthdrawiad oddeutu 17:50 ddydd Sadwrn ar y gyffordd rhwng Rhodfa Nicander a Ffordd Creidiol
Mae Heddlu'r De yn apelio am dystion wedi gwrthdrawiad rhwng beic modur oddi ar y ffordd (off-road) a phlentyn ar feic ym Mayhill, Abertawe.
Fe ddigwyddodd y gwrthdrawiad oddeutu 17:50 ddydd Sadwrn ar y gyffordd rhwng Rhodfa Nicander a Ffordd Creidiol.
Cafodd y bachgen ei gludo i Ysbyty Treforys.
Does dim gwybodaeth eto a oes unrhyw un wedi'i arestio mewn cysylltiad â'r digwyddiad.
Dywedodd y Sarjant Dan Kathrens: "Hoffwn bwysleisio eto pa mor ddifrifol ry'n yn ystyried materion sy'n ymwneud â beiciau oddi ar y ffordd ac mae hyn yn flaenoriaeth i ni yn lleol.
"Ry'n ni'n dymuno siarad ag unrhyw un a welodd y gwrthdrawiad, oedd yn teithio yn yr ardal ar y pryd neu sydd â lluniau dashcam."