Ymosodiad Y Drenewydd: Dyn o flaen llys

Fe gafodd dau ddyn eu hanafu mewn digwyddiad ar Stryd Frankwell ychydig cyn 18:00 ddydd Gwener

Fe fydd dyn 20 oed yn mynd o flaen ynadon ddydd Llun mewn cysylltiad ag ymosodiadau ar ddau ddyn yn Y Drenewydd.

Mae dyn 41 oed yn parhau mewn cyflwr difrifol iawn yn yr ysbyty yn dilyn ymosodiadau honedig yn Stryd Frankwell y dref nos Wener.

Cafodd dyn 51 oed ei anafu hefyd yn y digwyddiad.

Mae Kenneth Jones yn wynebu cyhuddiadau o anafu ac achosi niwed corfforol difrifol anfwriadol ac o ymosod gan achosi niwed corfforol.

Dywedodd Heddlu Dyfed-Powys eu bod "yn parhau i ymchwilio i'r ymosodiadau difrifol" a bod Mr Jones yn ymddangos o flaen Llys Ynadon Y Trallwng ddydd Llun.